UE-CARE Internasionál Asina Projetu Foun Ba Prevensaun COVID-19 Iha TL

Fahe Tutan

Naunil Media (Díli), Kuarta (17/06) ne’e, Uniaun Europeia ho CARE Internasionál asina hamutuk kontratu foun kona-ba subvensaun ho valor milaun U$1.3 ba prevensaun Surtu Corona Virus Desease 2019 (COVID-19) iha Timor-Leste (TL).

Projetu refere sei implementa hosi organizasaun Internasionál lima (5) mak hanesan Oxfam, Chatholic Relief Servise (CRS), Plan Internasionál no World Vision hamutuk ho ONG lokál sira, hanesan The Oe-Cusse Post, Luta Ba Futuru, Knua Habelar Komunidade, Pradet, Bifano, Maneo, Kdalak Sulimutu Institute,  Raes hadomi Timor-oan no Caritas Baucau.

Diretóra Plan Internasioanal iha Timor-Leste, Dillyana Ximenes, hateten projetu bo’ot refere ho nia durasaun tempu ba tinan ida, iha ne’ebe sei lidera hosi ajensia Internasionál lima (Word Vision, Catholic Relief Servises (CRS), Oxfam, Care Internasioanál, Uniaun Europeia, Care Internasioanál) ba suporta komunidade”,

“Fóku liu hodi suporta ita nia komunidade sira liga ba impaktu COVID-19. Suporta hirak ne’e liuhusi parte saúde, edukasaun, seguransa ai-han no sei fó mos ekipamentu pessoál ba ita nia maluk saúde sira iha Munisípiu sira”, Diretora Plan Internasioanal iha Timor-Leste, Dillyana Ximenes, ba jornalista sira iha Salaun Palacio das Cinzas, Ministéiru Saúde, Kuarta (17/06).

Diretóra ne’e esplika, sira mos kordena ho NGO lokal balun ba programa komun, hanesan seguransa ai-han, ba uma kain sira depois iha intervensaun ba merkadu lokál atu asegura ba distansia sosial, bee no hijiene.

Iha fatin hanesan, Embaixador Uniaun Europeia, Andrew Jacobs, apresia ho servisu prevensaun COVID-19 iha Timor-Leste, ne’ebe bele alkansa rezultadu diak.

“Asaun ida ne’e hanesan parte ida husi pakote global ‘Team Europe’ ne’ebé lansa husi Uniaun Europeia atu apoia país parseiru sira iha mundu tomak hodi luta kontra Surtu COVID-19”, dehan Nia.

Organizasaun Internasionál lima (5) ho ninia parseiru hosi ONG lokál sei ezekuta projetu UE hodi distribui apoiu ba povulasaun iha Díli, Baucau, Vikeke, Aileu, Covalima, Ermera, Likisa no RAEOA-ZEESM. Dul/Ina

Leave a Reply

Your email address will not be published.