CNRT Kondena Aktu Marí Alkatiri iha MedSos
Naunil Media (Díli), Bankada Congcreço Nacionál de Reconstrução Timor (CNRT) iha Parlamentu Nasionál (PN) konsidera aktu hosi Sekretáriu Jerál Partidu FRETILIN, Marí Alkatiri iha Média Sosiál (MedSos) facebook, ne’ebe hateten Prezidente Partidu CNRT, Kay Rala Xanana Gusmão, halo asaun karidade ne’e atu subar-án husi korupsaun ne’e laloos.
Deputadu Bankada CNRT Gabriel Soares hateten Sekretariu Jeral Partidu Fretilin Marí Alkatiri ikus ikus nee hatudu nia frustradu no minimiza prezidenti partidu CNRT, Xanana Gusmão, tamba halo asaun karidade ba ema fulneravel sira.
“Ohin, Bankada CNRT hakarak responde Sekretáriu-Jeral Partidu Fretilin, Marí Alkatiri, ne’ebé ikus-ikus ne’e hatudu ninia frustrasaun agravada ba asaun Karitativa ne’ebé Maun Bo’ot Kay Rala Xanana Gusmão halo iha Díli no iha munisípius. Frustrasaun Marí Alkatiri nian ne’e soe iha facebook, hodi dezakredita no minimiza Maun Bo’ot no Timor-oan lubuk ida ne’ebé hala’o asaun karitativa hodi ajuda populasoens sira ne’ebé sofre hela falta ai-hán iha sira-nia moris loro-loron, hanesan konsekuênsia husi Estadu Emerjênsia”, deputadu CNRT, Gabriel Soares, ba jornalista sira liuhusi konferensia inprensa, iha Sala bankada CNRT PN, Kuarta (24/06).
Nia hateten aktu sekretáriu jerál Fretilin iha nia akun media sosial facebook ne’e tenta atu minimiza asaun karidade ne’ebe mak Xanana Guamao halo.
“Sekretáriu-Jeral Fretilin, iha ninia facebook tenta soe lia ba públiku, ho intensaun atu dezakredita asaun karitativa ne’ebé Maun Bo’ot Kay Rala Xanana Gusmão halo daudauk, ho akuzasaun katak asaun hirak ne’e atu subar-an husi korrupsaun”, tenik Nia.
Ikus-liu, Nia dehan “Deklarasaun Marí Alkatiri nian ne’e, hanesan insultu boot ida ba Igreja Katólika, Gabinete Prezidente Repúblika, Espoza husi Primeiru Ministru no grupus karidade timoroan sira, ne’ebé durante ne’e halo hela asaun hodi fó tulun ba komunidades sira ne’ebé afetadas husi Estadu Emerjênsia”. Uar
