Francisco Husu Prezidente Timor Gap Foun Esforsu Dezenvolve Projetu Tasi Mane

Fahe Tutan

Naunil Media (Díli), Eis Prezidente Konsellu Adiministrativu  Timor Gás no Petróleu, Empreza Públika (Timor Gap, Ep), Francisco da Costa Monteiro, husu Prezidente Timor Gap foun António José Loiola  de Sousa esforsu-an  hodi dezenvolve projetu tasi mane.

“Ha’u propoin ba prezidente foun dezenvolve nafatin projetu explorasaun iha tasi mane tanba prosesu sei la’o hela, tuir lolos iha prosesu perfurasaun ne’e iha tinan 2020, maibé mosu pandemia COVID-19 entaun la konsege, perfurasaun sei hahú fali iha tinan 2021”, Eis-Prezidente Timor Gap, Francisco da Costa Monteiro ba jornalista sira hafoin seremonia Hand over iha Supermerkadu Timor Plaza, Segunda (13/07).

Nia hatutan,  serbisu Timor Gap konsege atinji termu  sira negósiu (bisnis), tanba ne’e Prezidente Timor Gap foun ho  ekipa sira  tenki kontinua lori Timor Gap  ba oin.

“Ha’u la hare’e implikasaun imediata depende, Prezidente foun ho-nia ekipa lori   serbisu (Timor Gap) ne’e ba  oin”, tenik nia.

Iha fatin hanesan Prezidente Timor Gap foun, António José Loiola   de Sousa, haktuir sei luta maka’as ba prosesu dezenvolmentu ba nasaun Timor-Leste tanba Timor Gap kana’ar ne’ebé importante.

“Ami-nia kna’ar prinsipal, ami tenke luta maka’as ba oportunidade dezenvolvimentu ba nasaun.  Ne’e  mak ami-nia kna’ar importante teb-tebes hakarak ka lakohi halo mundansa bainhira  ami  tama ona iha office (edifisiu)  Timor Gap  laran, ne’e mak  ami-nia objetivu”, António Subliña.

Prezidente Timor Gap ne’e , afirma “ami tenke esfórsu, ami-nia luta ba setór petroleum no Gas luta ba   rikusoin   ba povu no Timor-Leste”.

Antes ne’e atual Prezidente Timor Gap, Antonio José Loiola de Sousa asumi kana’ar nu’udar vise-Prezidente iha Timor Gap. Hafoin reuniaun Konsellu Ministru iha loron 8 Jullu hodi ba Prezidente foun ho mandatu hahú 2020 to’o 2024. Ana

Leave a Reply

Your email address will not be published.