Idelta Rodrigues : Atu Hasai Povu Husi Ki’ak Governu Tenki iha Objetivu

Naunil Media (Díli), Prezidente Eskuteiru Timor-Leste (ETL), Idelta Maria Rodrigues, hateten Governu tenki iha objetivu bem estar atu bele hasai povu husi ki’ak.

“Presiza hakbit no dezenvolvimentu ida ne’ebé integradu no rapidu, nune’e   responde ba situasaun ne’ebé mak ohin loron ita-nia povu hasoru kiak. La’ós foin mak hasoru maibe hori uluk kedas to’o Governu agora, ne’ebé ba governu ne’ebé  mak iha  objetivu bem estar mak hasai povu hosi kiak”, Prezidente ETL, Idelta Maria Rodrigues, ba jornalista sira hafoin enkontru ho Primeiru Ministru (PM), Taur Matan Ruak, iha Palásiu Governu, Tersa (14/07).  

Tuir Prezidente ETL, Idelta, programa dezenvolvimentu rural ne’e importante, nune’e xefe Governu konstitusionál da-ualu husu nia (Idelta) hodi implementa programa  ne’e iha teritóriu Timor laran.

“Ha’u hanoin modelu ida ne’ebé mak ohin loron nasaun sira  uza mak modelu dezenvolvimentu área rurál bolu (Samau Undo-lian Koreia), katak dezenvolvimentu Área rurál ne’ebé ohin loron Koreia dezenvolve diak”, subliña Idelta Rodrigues.

 Eis-Sekretária Estadu Igualidade no Jéneru, Idelta, dehan liu husi programa denvolvimentu rural ne’e bele redúz númeru ki’ak iha Timor-Leste.

Durante reuniaun, Primeiru Ministru Taur Matan Ruak husu ba Eis-Sekretária Estadu Igualidade no Jéneru atual Prezidente Eskuteiru Timor-Leste, Idelta Maria Rodrigues atu apoia Governu implementa programa dezenvolvimentu rural hodi reduz ki’ak iha Timor-Leste. Lop