Sisto : CCT La’os De’it Kafé Maibe Sosa Mos Baunilla

Fahe Tutan

Naunil Media (Díli), Diretór Jéral Kooperativa Kafe Timor (CCT-Sigla Português), Sisto Moniz Piedade, hateten CCT ninia prezensa iha Timor-Leste durante ne’e, la’os sosa Kafé maibe sosa mos Baunilla ho kuantidade áas.

“CCT la’os Kafé de’t maibe sosa mos Baunilla, ami hola Baunilla tokon tonelada sanolu resin no halo esportasaun tonelada rua (2) ba rai-liur”, Diretór Jéral CCT, Sisto Moniz Piedade, ba jornalista sira hafoin relata servisu ba Primeiru Ministru (PM), Taur Matan Ruak, iha Palásiu Governu,  Segunda (17/08).

Diretór Jerál ne’e, informa kualker produtu ne’ebe sira sosa, ninia presu sei bazeia ba merkadu mundiál enkuantu Governu seidauk define.

“Kualker produsaun ne’ebe ma kami sosa ne’e ninia presu ami halo kart aba Ministériu Agrikultura no Peskas (MAP). Antes ne’e Baunilla klase A kada kilograma $50.00 no klase B $40.00, maibe agora klase A tun ba $20.00 no B ba $15.00, tanba presu merkadu tinan ne’e tuun, e labele hanoin presus ne’e mantein, maibe depende ka presu ne’e sa’e tun” esplika Diretór Jerál CCT, Sisto Moniz Piedade.

Tuir responsavel CCT ne’e, importante liu mak produsaun tenke aumenta maske presu ba Baunilla no seluk sira nian presu la normal. “La’os kuda hun id aka rua, ita koalia barak ona, maibe produsaun tenki aumenta, no tenke kuda barak, tanba kafé mos tenki hadi’ak”. Dehan Nia. Lop

Leave a Reply

Your email address will not be published.