MAPKOMS Cup 2020 Haforsa Lasus Amizade Entre Instituisaun
Naunil Media (Díli), Ministériu Asuntu Parlamentár no Komunikasaun Sosial (MAPKOMS) realiza Torneu MAPKOMS Cup hodi selebra aniversáriu proklamasaun independensia 28 Novembru 2020. Alein de ne’e atu haforsa lasu amizade entre Média no parseiru instituisaun sira seluk.
Aktividade desportu futeból salaun ne’e abertura husi Ministru Asuntu Parlamentár Komunikasaun Sosial, Francisco Jeronimo iha kampu Futsal Bebora.
“Ami kontente tanba ita boot sira bele mai hotu partisipa iha ne’e, bainhira ita la iha ezersisiu, ho atividade ne’ebé mak halo, ita la book aan, dalaruma ita bele hetan problema iha ita nia saúde ne’e rasik”, Ministru Francisco Jeronimo, informa liu husi deskursu durante abertura MAPKOMS Cup iha Bebora, Tersa (27/10/2020).
Tuir Governante ne’e, ho atividade ne’e atu fó mensajem ba hotu-hotu, presija book aan, nune’e bele kuida saúde liu-liu relasiona ho situasaun agora.
“Boa sorte ba Ita boot sira, joga ho di’ak, ne’e la’ós atu mai tebe malu”, dehan Nia. Dvo
