FEATUREDIkus LiuNewsPolitika

PM Taur : EE Dahituk Evita COVID-19 Labele Hadaet iha TL

Fahe Tutan

Naunil Media (Díli), Primeiru Ministru (PM)Taur Matan Ruak hateten estadu emerjénsia ba dahituk atu evita COVID-19 labele hadaet ba komunidade sira iha Timor-Leste.

“Ita investe maka’as, ita-nia rekursu iha medida prevensaun hanesan kontrola ema no sasán sira-nia movimentu iha fronteiras terrestre marítima no aéreas, kuarentena rigorozu ba ema sira mak tama mai rai laran hodi identifika no izola kazu importadu hodi labele hada’et ba komunidade nia-leét”, PM Taur, liu husi diskursu ba renovasaun estadu emejensia ba dahituk iha uma fukun Parlmentu Nasionál, Tersa (27/10).

Taur informa, to’o ohin loron konsekuénsia hosi moras ne’e ema millaun ida mak mate ona no 43 milloins resin mak infetadu iha mundu tomak hahú hosi Azia, Oseánia, Amérika Europa no Áfrika.

Eis Prezidente Repúblika Matan Ruak, hateten Timor-Leste seidauk ema ida mate ho pandemia COVID-19.

“País uitoan, kala 20 resin mak la iha óbitu/mate, felizmente iha grupu ida ne’e Timor-Leste mós iha laran, hosi 30 kazu ne’ebé ita iha, 29 rekuperadu no la iha mate”, tenik Eis Gurileiru Rejistensia ne’e. 

Tuir Xefe Governu konstitusionál da-ualu, ne’e konkista koletiva povu no nasaun nian, la’ós Governu de’it.

Ikus liu Nia dehan, COVID-19 seidauk hotu, se ativa no sírkula ba mai mundu tomak i ita labele husik atu moras aat ida ne’e bele hada’et tan iha Timor-Leste hodi perturba no hamate sidadaun na-moris. Dul

Leave a Reply

Your email address will not be published. Required fields are marked *