KKLN Sei Hala’o Asembleia Jerál Deskute no Aprova Planu Sira
Naunil Media (Díli), Prezidente Administrasaun Konsellu Kombatente Libertasaun Nasional (KKLN), Vidal de Jesus ‘Riak Leman’, hateten KKLN sei realiza asembleia jerál durante loron tolu hodi deskute no aprova planu sira.
“Mai inform aba Primeiru Ministru Taur hodi koalia kona-ba realizasaun asembleia jerál Konsellu Nasionál, tuir planu realiza iha loron 18 to’o 20 fulan Novembru, hodi aprova planu sira, bandeira konselu nian, logo konsellu no regiment. Ami konvida mós Primeiru Ministru, Preszidente Republika Francisco Guterres Lú Olo”, informa Prezidente KKLN, Riak Leman, ba jornalista sira hafoin enkontru iha Palásiu Governu, Tersa (10/11).
Nia dehan, atu aprova planu estratéjiku sira, tekniku sira lidera husi kombatente vetaranu ho kodigu Kriadu mak prepara hotu ona.
“Konvida mós konsellu municipal, liu-liu estrutura iha konsellu munisipal sira hanesan Presidente ho Sekretáriu, halo apresiasaun kona-ba planu durante loron tolu”, tenik Nia
Nia dehan, durante loron 2 no ikus liu sei hala’o iha Kuarter Jenerál Fatuhada, tamba veteranus barak mak iha ne’eba (Kuarter Jenerál) halo apresiasaun ba planu ida ne’e. Eva
