FEATUREDGeralIkus LiuNews

Komunidade Aldeia Solu-Golo konsumu Bee Mota

Fahe Tutan

Naunil Media (Bobonaro), Komunidade Aldeia Solu-Golo, Suku Holsa, Postu Administrativu Maliana, infrenta problema bee moos, ho kondisaun refefe komunidade sira tenki konsumu de’it bee mota.

Preokupasaun ne’e informa husi Xefe Aldeia Solu-Golo, Carlito Barreto, ba jornalista sira iha nia hela fatin, Kinta (12/11).

Nia dehan, tinan barak ona komunidade infrenta problema bee moos.

Kona-ba preokupasaun ne’e, Nia hato’o ona ba Governu maibé to’o agora seidauk hetan resposta.

“2017, ha’u husu ona atu dada bee mai maibé to’o agora seidauk, sira hatun ona besi maibé seidauk dada to’o agora”, tenik autoridade aldeia ne’e.  

Nune’e komunidade tenki la’o kuaze distansia metro 500 hodi asesu bee moos ba konsumu lor-loron.

Komunidade Aldeia Solu-Golo ho uma-kain 583 no abitante 2000.

Observasaun jornálista Naunil Media iha terenu nota katak, komunidade sira atu asesu bee moos, komunidade sira  tenke la’o ain kuaze distansia metru 500.

To’o notísia ne’e públika Naunil Media seidauk konfirma parte SAS Munisípiu Bobonaru. Nfm

Leave a Reply

Your email address will not be published. Required fields are marked *