COVID-19 : Inísiu Marsu To’o Novembru Total Teste Konfirmasaun ba Ema 12248
Naunil Media (Díli), Sábadu (14/11) ne’e, Dermatologista Kordenadóra Jeral COVID-19 Dra. Odete da Silva Viegas, informa inisiu fulan-Marsu to’o Novembru rejistra númeru kazu teste konfirmasaun COVID-19 nia-totál hamutuk 12.248.
Dermatologista Kordenadóra Jerál COVID-19 Dra. Odete da Silva Viegas, ba jornalista sira liuhusi komunikadu imprensa iha, Palásiu das Cinzas, Kaikoli.
Tuir Odete, Ministéiru Saúde liu husi komisaun ezekutiva aprezsenta dadus kumulativu husi COVID-19 hahú husi loron 6 fulan-Marsu to’o 13 Novembru 2020 totál teste hamutuk 12248.
“Hein Rezultadu 387, totál komulativu kazu 30, rekuperadu 33, kazu foun 0, resultadu (negativu) 11831, totál kuarentena 222 iha Díli, 179 no Munisípiu 43. Auto Kuarentena 267 iha Díli, 266, Munisipiu nain 1, pasa kuarentena loron 14 no 6017 iha Díli 4966 no Munisípiu: 1051”, relata nia.
Kordenadóra Jeral Covid-19 ne’e apela, Surtu COVID-19 to’o ohin loron sei sai nafatin prekupasaun mundiál no fó ameasa ba Saúde Públika, Ministéri Saúde liuhusi Komisaun Nasional COVID-19, tanba ne’e tenki mantein kompri regra sira pevensaun.
“Husu ba komunidade hotu atu mantein kalma no kumpri nafatin medidas preventivas COVID-19 liuhusi, Uza máskara, Distansiamentu físiziku no sosiál no Fase liman bebeik ho sabaun”, nia apela.
Ikus nia dehan, Komunidade hamutuk ho autoridade lokál sira iha área fronteira nian atu kontrola nafatin komunidade sira ne’ebé tama ilegalmente mai territóriu Timor. Leo
