Adezaun ASIAN, Ministra Adaljiza : Dezembru Hahú Diskute Setór Ekonómia

Fahe Tutan

Naunil Media (Díli), Ministra Negósius Estranjeirus no Kooperasaun (MNEK) Adaljiza Albertina Xavier Reis Magno, hateten fulan Dezembru 2020 sei hahú deskute setór ekonómia hamutuk ho membru organizasaun Association of Southeast Asian  Nations (ASEAN-Sigla Inglesh) kona-ba pozisaun Timor-Leste (TL) nia-adezaun.

Ministra Adaljiza Albertina Xavier Reis Magno, ba jornalista sira hafoin enkontru ho Primeiru Ministru (PM) Taur Matan Ruak, iha Palásiu Governu, Tersa (17/11).

Ministra Adajiza, haktuir objetivu enkontru refere inform aba Xefe Governu Taur Matan Ruak kona-ba prosesu adezaun ba ASEAN.

“Mai hasoru PM Taur atu husu apoiu polítika, pozisaun ida husi orgaun soberania seluk. Ami mós sei hasoru Prezidenti Parlamentu Nasionál (PPN) Aniceito Guterres”, dehan Ministra Adaljiza.

Adaljiza reforsa, tuir mai asesu ba pilar ekonómia no agora Timor-Leste tenki hanoin oinsa atu halo diálogo polítiku.

“Agora ita atu halo afirmasaun polítika ida iha nível ne’ebe a’as oinsa atu halo diálogo ho país ASEAN sira haree ba ita ninia preparasaun ba adezaun sai membru permanente iha ASEAN nian” tenik Nia  Nia dehan, atu sai membru ASEAN presiza kolaborasaun no vontade ema hotu-hotu nian. Eva/Emy.

Leave a Reply

Your email address will not be published. Required fields are marked *