FEATUREDIkus LiuNewsSeguransa

Durante Outobru no Novembru 2020, Sidadaun 543 Tama Husi Froteria Batugade

Fahe Tutan

Naunil Media (Díli), Komandante PNTL Munisípiu Bobonaru, Superintendente Xefe Polísia Octavio Araújo Bukar, informa durante fulan Outubru to’o 15 Novembru 2020, estudante Timor Oan no estranjeriu traballadór hamutuk na’in 543 mak hala’o viagem husi Atanbua Indonesia tama mai Timor-Leste liu husi liña fronteria Batugede.

Komandante PNTL Munisípiu Bobonaru, Superintendente Xefe Polísia Octavio Araújo Bukar, hateten maioria viajem abibitante hirak ne tama mai ho dalan legal ne’ebe hetan paasa revista husi ekipa servisu migrasaun  no postu Batugede ne’ebe hetan mos apoiu husi  PNTL bobonaru hamutuk ho Unidade Patrulamentu Fronteria (UPF) no FALINTIL-FDTL inklui autiridade ka alfandega sira hotu.

“Iha Outubru, ita rejista total ema nain-307no ema nain 291 kontinua ba kuarentina Díli no nain 16 iha kuarentina Mota-ain. Iha Novembru hamutuk ema nain 227 no 213 maka kontinua mai iha Díli no nain 14 maka iha kuarentena Mota-ain ne’ebe total ema durante fulan rua ne nain 543”, Superintendente Xefe Polísia Octavio, ba jornalista sira iha Sentru Formasaun Polísia Akademia, Komoro, Kuarta (18/11).

Tuir Nia, atu evita propagasaun COVID-19 tama mai Timor-Leste, PNTL hamutuk ho ekipa Ministeriu Saúde ba servisu misaun COVID-19 nian halo nafatin kontolu iha liña fronteria.

Nia hatutan, to’o agora iha Bobonaro rasik seidauk rejista kaju mortalidade COVID-19.Nia dehan, PNTL bobonaru hamutuk ho (UPF), (COE), (F-FDTL), hala’o nafatin operasaun konjunta iha liña fronteria no kontrolu regra implementasaun estadu emerjénsia ba dahituk. Nfm

Leave a Reply

Your email address will not be published. Required fields are marked *