Isabel Ruak Agradese Apoiu Embaxadór Australia ba Sentru Queshadip Ruak
Naunil Media (Díli), Espoza husi Primeiru Ministru Taur Matan Ruak, Dona Isabel Fernandes Ruak, agradese embaixadór Australia Petter Roberts ho família entrega prezente Natal ba labarik sira iha Sentru Queshadip Ruak.
“Agradese ba Embaixadór Australia ho família tamba ho fuan bo’ot ohin bele mai iha fatin ne’e hodi entrega prendas hanesan, viola, kadernu, brinkedus no seluk-tan ba labarik sira iha sentru Queshadip Ruak”, Fundadora Sentru Queshadip Ruak, Dra. Isabel da Costa Ferreira, ba jornalista sira hafoin fahe prendas iha Taibesi, Kinta (26/11).
Iha fatin hanesan S.E Embaixadór Australia Petter Roberts, hateten objetivu husi Atividade ne’e atu hametin nafatin amizade entre Nasaun Timor-Leste ho Australia ba futuru.
“Embaixada Australia hakarak halo programa hanesan ne’e hodi hametin liu-tan lasu amizade entre nasaun rua, ami mos kontente tebes bele servisu hamutuk ho sentru Sentru Queshadip Ruak hodi suporta labarik sira no familia Timor-Leste”, hateten Diplomata ne’e.
Atividade ne’e hetan partisipa husi Fundadora CQR, Dra. Isabel da Costa Ferreira, Embaixadór Australia, Petter Roberts no família inklui estudante husi Sentru CQR rasik. Dul
