FEATUREDGeralIkus LiuNews

CI ho UNDP Ensera Programa Treinamentu Jornalismu Komprensivu

Fahe Tutan

Naunil Media (Díli), Sesta (27/11) ne’e Conselho Imprensa (CI) Timor-Leste ho United Nations Development Program (UNDP) ofisiálmente ensera treinamentu jornalismu komprensivu ba dahaat mak hala’o ona durante semana rua. Semana dahuluk realiza iha Maliana-Munisípiu Bobonaru no semana daruak kompleta iha Díli.

Totál Jornálista mak partisipa iha programa formasaun ne’e hamutuk 22 inklui voluntariu nain rua husi RKM-Rádiu Komunidade Maliana.

Totál jornálista média online partisipa iha programa ne’e hamutuk média 8 mak hanesan Naunil Media, SMI, Lafaek News, Timor News, Lalatak.com, Neon Metin, Pisenter UNTL no Maluk Falur Matan.  

“Agradese ba kooperasaun ne’ebé UNDP ho Conselho Imprensa, la’ós ba iha programa ida ne’e de’it maibé iha kedas inísiu 2017 to’o agora koperasaun CI ho UNDP”, dehan Prezidente CI Virgílio Guterres, liu husi nia diskursu iha salaun CI, Qintal Boot.

Virgílio apresia no agradese ba KOICA hanesan fasilitador ne’ebé apoiu tomak Governu KOICA fó ba Timor desde uluk.  

Treinamentu jornalismu komprensivu ba dahaat ne’e mós jornálista sira simu sertifikadu, iha ne’ebe atribui husi Reprezentante UNDP Youngchan Kim no Diretor KOICA Kim Sikhyon no Prezidente CI Virgílio Guterres.

Totál benifisiáriu sira husi 2018 to’o 2020  hamutuk 183 no fasilitador sira mai husi CI,UNDP no treindor parseiru internasionál sira hanesan Austrália, SEAPA (Southeast Asia Press Alliance) no Indonesia. Dvo

Leave a Reply

Your email address will not be published. Required fields are marked *