José Agostinho : Ezekusaun OJE 2020 ba MTK Atinji Pursentu 86.58 (%)
Naunil Media (Díli), Ministru Transporte no Komunikasaun (MTK), José Agostinho da Silva, informa ezekuzaun Orsamentu Jeral Estatu (OJE) 2020, Ministériu Transporte no Komunikasaun totál montente hamutuk $ 7.10 miloens ho pursentu 86.58(%).
Ministru José Agostinho da Silva, ba jornalista sira hafoin enkontru ho Primeiru Mnistru Taur Matan Ruak, iha Palásiu Governu, Sesta (27/11).
Governante ne’e haktuir, enkontru ho Primeiru Ministru hodi informa progresu ezekusaun OJE 2020 ne’ebé aloka ba MTK.
“Orsamento bazeia ba pakote fiskal atribui ba Ministeriu Transporte no Komunikasaun hamutuk $7.10 Milloens. Progresu ezekusaun to’o agora bazeia ba rebalance atinji ona 86.58 %”, dehan José.
Governante ne’e relata, iha kanal reseita barak Primeiru ba parte Diresaun nasionál Transporte terrestre iha ninia kanal boot, ida ne’ebé bele hatama ba kofre estadu ezemplu hanesan registu veikulu.
“Kanal reseita ida, ita-nia atribuisaun karta kondusaun, ida ne’e liga ba atendementu públiku ba ita-nia sidadaun nu’udar kliente, nune’e atendementu nune’e la’o reseita tama, no diresaun nasional servisu postais nia iha kanal reseita no Diresaun Nasional metrologia Geofízika maibé to’o agora sidauk funsiona”. Tenik José. Eva
