SEFOPE Planu Desloka Traballador Timor Oan 162 ba Australia

Fahe Tutan

Naunil Media (Díli), Sekretáriu Estadu Formasaun Professional no Empregu (SEFOPE), Alarico do Rosario, informa liu-husi programa ‘Seasonal Worker’sei dezloka traballadór Timor-oan  162 ba servisu iha Autralia.

Membru Governu konstitusionál da-ualu, Alarico do Rosario, ba jornalista sira hafoin sorumutu semanál ho Primeiru Ministru (PM) Taur Matan Ruak, hodi informa kona-ba Timor oan sira  ne’ebé atu ba servisu iha Australia, iha Palasiu Governu, Sesta (27/11).

“Ami ohin ko’alia bazeia ba kontratu ne’ebé mak ajénsia husi Australia haruka mai, katak ema nain 162 ne’ebé mak atu ba servisu tan iha Australia ba fase primeiru”, dehan Governante ne’e.

Nia haktuir, durante sorumutuk ho xefe governu, koalia mos kona-ba trasporte ba deslokasaun traballadór sira, tanba la mai tula traballadór sira.

“Ita-nia aviaun rasik laiha, oinsa mak aviaun mai foti traballadór sira iha ne’e, Governu nia hanoin kona-ba ida ne’e mak ita ko’alia ho PM Taur Matan Ruak, haree hamutuk asuntu ida ne’e”, tenik  Alarico.

Nia reforsa, solusaun ba traballadór sira atu ba servisu iha Australia mak tenke halo komunikasaun ho parseiru Australia, nune’e bele hametin relasaun entre Australia ho Timor-Leste  iha futuru. Eva

Leave a Reply

Your email address will not be published. Required fields are marked *