PR Lú Olo : Prestasaun Saúde Sai Preokupasaun Hasoru COVID-19

Fahe Tutan

Naunil Media (Díli), Prezidente Repúblika (PR), Francisco Guterres ‘Lú Olo’, hateten prestasaun servisu saúde sai preokupasaun bo’ot hasoru risku pandemia COVID-19.

“Prestasaun servisu saúde sai preokupasaun bo’ot liu-tan,  baiñira ita hasoru risku pandemia COVID-19 tama mai” Xefi Estadu Fracisco Timor-Leste ‘Lú Olo’, liu-husi ninia diskursu amobitu aniversáriu proklamasaun independensia ba dala-45, iha Munisípiu Liquiçá, Sabadu (28/11).

Lú Olo hatutan, atu proteje lalais ita nia povu husi kalamidade públiku ida ne’e, estadu Timor-Leste hatan kedas ho estadu emerjénsia.

Tuir Eis Gerileiru rejistensia, ‘Lú Olo’, Timor-Leste tenke implementa duni estadu emerjénsia mak bele suspensaun ba ema nia direitu no liberdade fundamental.

“Tenke implementa duni estadu emejénsia tanba só liu-husi estadu emerjénsia mak ita bele halo suspensaun ba ema nia direitu no liberdade fundamentál sira” tenik Aman Nasaun TL númeru ne’e.

Aman Nasaun ne’e esplika, “Tuir artigu 25 konstituisaun haruka, tan ne’e mak durante ne’e fulan-fulan, ita tenke hanaruk estadu emerjénsia hodi bele halo prevensaun no kontrola moras COVID-19 iha ita nia Rain”.

İkus-liu, Nia dehan, “Ho ameasa husi pandemia COVID-19, ita hotu haree momoos katak ita nia servisu nasionál saúde la preparadu atu hatan kedas ba moras foun ne’e”.  Apm

Leave a Reply

Your email address will not be published. Required fields are marked *