DesportuFEATUREDIkus LiuNews

Ministru Francisco Ensera Torneu Futsal MAPKOMS Cup 2020

Fahe Tutan

Naunil Media (Díli), Domingu (29/11) ne’e, Ministru ba Asuntu Parlamentár no Komunikasaun Sosiál, Fansico Jeronimo, ofisiálmente ensera ona torneu futeból salaun (Futsal) MAPKOMS Cup mak hala’o durante fulan ida, iha ne’ebe abertura iha 27 Outubru no final iha 29 Novembru 2020.

Membru Governu konstitusionál da-ualu ne’e agrade ba ekipa hotu mak partisipa torneu refere hodi selebra aniversáriu loron Proklamasaun Independensia Unilateral 28 Novembru.

“Ita boot sira kontribui ona ho ita boot sira nia dezenvolvimentu Futsal, liu-liu iha nível Governu nian, Ita hotu hakarak festeza hamutuk iha 28 Novembru”, dehan Governante ne’e liu husi nia deskursu enseramentu.  

Tuir Nia, manán ka lakon ne’e la’os problema, maibe importante mak bele halo atividade ida ho unidade no kopera ba malu.

Partisipa iha enseramentu ne’e mak Ministru Obras Públika (MOP) Salvaidor Pires, SECOOP, Elizario Ferreira, Prezidente TATOLI, Ministru Turizmu Komérsiu no Industria, Ministru ba Asuntu parlamentár no Komunikasaun Sosiál Francisco Jeronimo no mós dirizente klubu sira hotu.

Enkuantu totál klubu mak partisipa iha Torneu Futsal MAPKOMS ne’e hamutuk 48, kompostu husi Mane 29 no Feto 19.

Kampeaun ba Torneu MAPKOMS mak mane husi ekipa BNCTL no kampeaun feto monu ba ekipa BCTL.

Mellor markador monu ba ekipa jogu futsal mane monu ba jogador husi ekipa BNCTL Jaquiel Pinto no mellor markador feto monu ba ekipa BCTL, Carla Junior. Dvo

Leave a Reply

Your email address will not be published. Required fields are marked *