Deputada Elvina Sujere RTTL.EP Kria Lian Jestual Ba Ema Defisiénsia Tilun
Naunil Media (Díli), Deputada bankada oposizaun husi Partidu Demokrátiku, Elvina Sousa de Carvalho, husu ba jerente no superior Radiu Televisaun Timor-Leste Empreza Públiku (RTTL.EP) atu kria lian jestual ba ema difisiénte tilun sira bele akompaña debate orsamentu jeral estatu (OJE) ba 2021
Asuntu ne’e hato’o Deputada bankada oposizaun husi partidu Demokrátiku Elvina Sousa de Carvalho, ba jornalista sira liu intervensaun polítika iha ámbitu diskusaun jeneralidade orsamentu jeral estadu (OJE), iha uma fukun Parlamentu Nasonál, Segunda (30/11).
“Eventu (diskusaun OJE) ida ne’e importante tebes ba direitu sidadaun hotu-hotu, atu bele asesu ba debate orsamentu jeral estadu 2021 inkluzivamente ba maluk sira ho defisiente rona no mós ko’alia. Ha’u haree iha Rttl ne’ebé mak hetan orsamentu estadu la providensia ona ba tradutór ba lian jestual, ha’u hanoin ne’e laloós, maibé ita komesa ona ita tenke halo kontinuasaun”, dehan Elvina.
Elvina husu ba ministéiru asuntu parlamentares no komunikasaun sosiál atu bele halo klarifikasaun.
“Ministru Asuntu Parlamentare no Komunikasaun Sosiál (MAPKOMS) hodi bele halo klarifikasaun ba preokupasaun ne’e”. Tenik Distinta deputada Elvina.
Nia reforsa, komesa aban (01/12) bele ona halo tradusaun ba lian jestual iha kanal RTTL.Ep nune’e ema ho defisiante sira bele hatene no kompriende. Lop
