KSDS no KE Husu PR Lú Olo Hato’o Pedidu Extensaun EE Ba PN
Naunil Media (Díli), Segunda (30/11) ne’e, Konsellu Superior Defeza Seguransa (KSDS) ho Konsellu Estadu (KE) husu Prezidente Repúblika (PR) Francisco Guterres ‘Lú Olo’ atu hato’o pedidu extensaun estadu emerjénsia da-sia ba Parlamentu nasionál hodi preveneba COVID-19.
Asuntu ne’e hato’o husi Xefe Caza Sivil Prezidensia Repúblika , Francisco Maria de Vasconcelos, ba jornalista sira hafoin KSDS no KE sorumutu ho PR Lú Olo iha Palásiu Prezidensiál Nicolau Lobato, Biarru Pité.
“Ohin KSDS no KE enkontru ho Prezidente Repúblika, rekomenda ba Prezidente Repúblika atu hato’o pedidu extensaun ba Parlamentu Nasionál atu deskute. Hala’o reuniaun lalais de’it tanba pedidu husi Governu nafatin hanesan ho pedidu anteriór medida prevensaun nafatin hanesan pedidu anterior”, dehan Francisco.
Tanba ne’e Nia dehan, KSDS no KE rekomenda ba PR atu hato’o pedidu ba PN depois PN mak sei deside aprova ou lae ne’e desizaun husi PN.
“Pedidu ne’e ho lalais di’ak liu, iha loron ida ohin ou aban ami se haruka ba Parlamentu Nasional iha regras prevensaun hanesan nafatin pedidu anteriór nian, depois haruka ba PN no Prezidente sei hato’o mensagem ba ita boot sira (Jornalista)”, Tenik Xefe Casa Sivil Prezidensia Repúblika ne’e.
Estadu emerjénsia da-hitu ninia regras prevensaun ba COVID-19 mak parsialmente suspende direitus ba sirkulasaun internasionál, liberdade sirkulasaun no fixasaun rezidénsia ba kualker pontu iha territóriu nasionál no direitu ba rezisténsia no kria distansiamentu sosiál, kuarentena ba suspeitu infesaun, izolamente ba moras no suspeitus, konfinamentu domisiliáriu, uzu obrigatóriu maskara, fase-liman no distánsia fízika. Dul
