FEATUREDIkus LiuNewsPolitika

PM Taur : Governu Tenke iha Kapasidade Hodi Kombate COVID-19

Fahe Tutan

Naunil Media (Díli), Primeiru Ministru (PM), Taur Matan Ruak, hateten husi moras COVID-19 Governu tenke iha kapasidade hodi kombate tanba ne’e presija mós apoiu husi intuisaun relevente sira. 

Xefe Governu, Taur Matan Ruak, liu-husi diskursu iha debate jeneralidade  Orsamentu Jeral Estadu (OJE) ba 2021, iha uma fukun Parlamentu Nasionál, Segunda (30/11).

“Orsamentu estadu ida-ne’e, ambisiozu ba tempu extraordináriu sira, iha ne’ebé Governu tenke iha kapasidade hatán duké nunka. Lisaun ida-ne’ebé COVID-19 hanorin mai ita atu hakat krize bo’ot ida, presija servisu no mós rezolusaun instituisaun públika hotu-hotu, ramu husi Governu nian, komunidade no ita ida-idak”, dehan PM Taur.

Eis Prezidente Repúblika Taur esplika, “Ita labele hili ita-nia adversidade institusionál, sosiál no ekonómia sira. Maibé ita bele hili oinsá bele hamrik metin no efisiente nune’e ita dispostu atu servisu hodi hasoru dezafiu sira-ne’e”.

Tuir eis gerileiru rejistensia ne’e, presiza esforsu liután  hodi bele satan  netik husi moras mundial   covid-19 ne’ebé invade mai iha Timor-Leste.

“Ita muda velosidade nomós ita adopta an ho maneira sein presedente atu satan pandemia ne’e no ninia extensaun ba xoke hirak ne’e. Ita hatene ona risku sira-ne’e, ita muda ona ita-nia komportamentu no ita foti ona desizaun sira-ne’ebé kontribui ona ba ita-nia nasaun”. Tenik Nia. Lop

Leave a Reply

Your email address will not be published. Required fields are marked *