PM Taur : OJE 2021 Sei Investe De’it ba Povu no Nasaun
Naunil Media (Díli), Primeiru Ministru (PM) Taur Matan Ruak, informa orsamentu jeral estadu 2021 sei investe de’it ba povu no nasaun tanba sei iha COVID-19, seidauk rekupera ekonómia rai-laran.
PM Taur Matan Ruak, liuhusi nia diskursu iha debate jeneralidade OJE 2021, iha uma fukun parlamentu Nasionál, Segunda (30/11).
“Ita-nia Orsamentu Estadu ba tinan 2021 mobiliza rekursu signifikativu hodi investe iha ita-nia povu no nasaun Timor-Leste. ita-nia ekonómia sei la rekupera totalmente ka rekupera kedas husi taba covid-19 ne’e. Tanba akontese iha mundu tomak lori tempu barak atu rekupera fali situasaun ne’e”, dehan xefe governu da-ualu Taur.
Xefi ezekutivu ne’e esplika, rekoñse katak dadaun ne’e fundu minarai presu tun no setór turizmu, ótelaria sei kontinua sofre husi impaktu COVID-19, tanba ne’e presu petróliferu sei kontinua tuun sa’e tuir movimentu internasionál merkadória nian seidauk la’o di’ak.
Eis grileiru Taur espera konsumidór sira kontinua adia sira-nia gastu balun no parseiru komersiál sira sei hasoru hela tempu ekonómiku nian ne’ebé difisil.
Proposta governu ba OJE 2021 hamutuk bilaun $1.895, kompostu husi hosi saláriu no vensimentu, milliaun $239, 26, besn servisu millaun $421, 49, transférensia públika millaun $669, 91, kapital minór millaun $61, 14, no kapital dezenvolvimentu millaun $503, 20.Lop
