Fulan Rua Ona UPF Bobonaru La Simu Alimentasaun
Naunil Media (Bobonaru), Komandante Kompañia ‘A’ Unidade Polísia Fronteira (UPF)-PNTL Bobonaru, Paulo Assis Belo, informa fulan rua ona sira la simu alimentasaun husi Komandu.
Komandante Kompañia ‘A’ UPF-PNTL Bobonaru, Paulo Assis Belo, ba jornálista sira iha Fronteira Terrestre Tunubibi, Sesta (13/11).
“Atu fulan rua ona alimentasaun ne’e la mai”, preokupa Komandante Kompañia ‘A’ UPF-PNTL Bobonaru, Paulo Assis Bel.
“Ami rona ona informasaun husi komandante Munisípiu sira hetan ona maibé so UPF, UEP, no Maritima ne’e mak seidauk, só ami nian ne’e to’o agora la mai”, dehan nia
Hatan ba preokupasaun ne’e, Komandante UPF, Superintendente Polísia João Sancho Pires, rekuiñese alimentasaun mak tama tarde no komandu mós dezaraska hela hodi koordena ho ministériu balun atu apoia alimentasaun ba kompañia tolu refere.
“Mezmu hasoru hela dezafiu ba menus ai-han maibé hanesan autoridade seguransa sempre prontu hala’o servisu, tanba ne’e papel UPF nian”, Superintendente Polísia João Sancho Pires ba jornalista sira iha Komandu Jerál PNTL Kaikoli, Tersa (01/12). Dvo
