Isabel : Ema ho Defisiénsia Exlente iha Area Desportiva
Naunil Media (Díli), Prezidente Komite Paralimpiku Nasionál Timor-Leste (CPNTL-Sigla Português), Isabel da Costa Ferreira, hateten ema ho defisiensia bele sai ema exlente iha area desportu.
Prezidente CPNTL Isabel da Costa Ferreira ba jornalista sira hafoin entrega premiu ba ateleta sira, iha Centro Convenções Díli (CCD), Kinta (03/12).
Prezidente CPNTL, Isabel, informa ohin ensara atividade desportu mak realiza husi asosiasaun defisiénsia Timor-Leste (ADTL) entrega premiu ba atleta sira partisipa konpetisaun públiku.
“Ema ho defisiénsia mós bele sai ema exlente ba area desportu no sai hanesan sidadaun ne’ebé partisipa dezenvolvimentu iha nasaun Timor-Leste liuhusi desportu”, tenik Isabel.
Nia hatutan, atividade desportu ne’e realiza kada tinan hamutuk ho ADTL atu motiva sidadaun joven defisiénsia sira ne’ebé iha talentu hodi partisipa desportu, tanba sira (defisiénsia) mós númeru bo’ot iha Timor, iha diretu no dever hanesan ho sidadaun sira seluk.
Nia informa, atleta ema ho defisiénsia sira tinan oin ne’e sei partisipa kompetisaun desportu iha Vietnam no Japaun. Iha modalidade rua hanesan tenis meza ho hi’it besi iha Vietnam, atletismu Toquio atleta Teofilho, tenis meza pasquela. Tanba ne’e mobiliza atleta sira husi munisípiu sira mai partisipa eventu hamutuk ho CPNTL no federasaun eziste ona.
Isabel husu ba atleta sira ne’ebé atu partisipa iha eventu mundiál rua ne’e kontinua prepara an hodi manán iha eventu Internasionál.
Federasaun modalidade desportu hamutuk 11 ne’ebé integra iha CPNTL liu husi eventu sira atleta potensiál hodi rekruta no prepara konpetisaun nasionál no internasionál. Emj14/fet