Prezidente CI Virgílio : Sidadaun TL Labele ‘Nega’ Obra Francisco Xavier do Amaral
Naunil Media (Manufahi), Presidente Konsellu Imprensa Timor-Leste (CI-Sigla Português), Virgílio da Silva Guterres husu sidadaun sira labele ‘nega’ obra husi saudozu eis Prezidente Repúbulika (PR), Fransisco Xavier Do Amaral, tanba nia mak proklama independésia hodi hatudu ba mundu katak Timor-Leste sai nasaun ida.
Prezidente CI, Virgílio da Silva Guterres, hato’o liuhusi diskursu iha lansamentu ‘Livru Biografia no Istróia Moris Saudozu Proklamadór Francisco Xavier do Amaral’, iha suku Manumera, postu administrativu Turiskai, Kinta (03/12).
“Ita labele nega heroi sira ne’ebé luta ba rain ida ne’e, tanba ho sira-nia luta mak ita hodi hetan indenpendénsia”, dehan Virgílio.
“Ita ko’alia kona-ba avó Xavier, primeiru buat ne’ebé mak ita labele debate no ita la bele nega, tanba avó Xavier hanesan heroi ka fundador ba nasaun, Frenti Revolusionariu de Timor Leste Indenpente (FRETILIN) dekreta proklamsaun, FRETILIN hakerek ka hakotu, haklaken, Avo Xavier mak hatudu ba mundu katak Timor sai ona Republika Demokrátika Timor-Leste (RDTL) sai nasaun ida”, tenik Virgílio.
Nia hatutan, husi avo Xavier mak hare fini nasionalismu, maske iha ita avo barak mak la gosta malae mutin sira atu tama iha timór. Maibé ho hanoin ne’ebé mak avo Xavier iha hodi hakalma situasaun ne’ebé mosu iha tempu ne’ebá.
Ikus, Nia fó parabéns ba hakerek nain Aniceto Guru-Berteni Neves, livru biografia Francisco Xavier do Amaral ho istória sira ne’e atu hafanu ka fó hanoin nafatin ba dezenvolve rain Timor-Leste. Nfm
