FEATUREDIkus LiuNewsPolitika

Dijitalizaun Sistema Rttl.Ep Sei La Halakon Parabola

Fahe Tutan

Naunil Media (Díli), Liuhosi komunikadu imprensa ida ne’e, Sekretáriu Estadu ba Komunikasaun Sosiál hakarak klarifika ba públiku katak projetu dijitalizasaun (DTMB-Digital Terrestrial Multimedia Broadcast) ne’ebé la’o hela iha RTTL.E.P sei transforma sistema analog ba sistema dijitál ho kualidade televiziva ne’ebé di’ak liu. 

Projetu dijitalizasaun refere sei oferese kanál hamutuk 22 ba RTTL.E.P hodi jere,  signifika mudansa sistema refere sei akontese de’it iha sistema RTTL.E.P, nune’e sei la influensia ba mídia sira seluk ne’ebé oras ne’e eziste hela iha Timor-Leste, no sei la taka parabola ne’ebé oras ne’e dadaun komunidade sira utiliza hela.

Objetivu prinsipál husi dijitalizasaun sistema RTTL.E.P maka atu fornese kanál oioin hodi fó opsaun ba komunidade atu asiste programa preferénsia televizivu sira iha kanál RTTL.E.P ho Imajen di’ak liu, Lian di’ak liu no Kanál barak liu.

Instalasaun Projetu Pilotu Dijitalizasaun refere sei konsentra uluk iha estasaun tolu maka hanesan KUTULAU, BITERELAU no ESTASAUN SENTRÁL RTTL.E.P ho área kobertura maka hanesan kapitál Dili, Munisípiu Liquisa, Hera no área besik sira ka ho distánsia radiasaun kilómetru  34 husi estasaun sentrál RTTL.E.P Dili.

Informasaun liután kona-ba Projetu DTMB bele haree iha broxura sira tuir mai. */Tri

Leave a Reply

Your email address will not be published. Required fields are marked *