FEATUREDIkus LiuNewsTurismus

Joven Star First Kuda Ai-Oan Salva Ahu-Ruin Tasi iha Latek Dolok-Oan

Fahe Tutan

Naunil Media (Díli), Sabadu (05/12) ne’e, joventude Organizasaun  Star First (SFTL) ho inisiativa kuda ai-oan hamutuk sanulu resin hitu (17) iha latek Dolok-oan atu salva ahu-ruin sira tasi-laran.

Koodenadór Gil Ximenes Gusmão, informa aktividade kuda ai-oan bolu jestaun ba área turismu hodi haburas paisajen liu-liu sira iha foho lolon  besik tasi bele konserva bio-diversidade, rai ten labele monu tun ba tasi-laran.

“Ami estudu iha área siénsia marina hatene kona-ba sedimentasaun, nota katak kuandu tempu udan ita haree rai molik sira hanesan ne’e (foho leten Dolok Oan), bainhira udan Ben tun sei lori hotu rai ten sira ne’e ba tasi-laran hodi hakoi hotu ahu-ruin sira”, Koordenadór SFTL, Gil Ximenes Gusmão, ba Naunil Media hafoin kuda Ai-oan.

Gil esplika, fó impaktu ba ahu-ruin sira labele halo respirasaun fotosintese sira bele mate no ikan mós sei la besik.

“Tamba ne’e ami-nia objektivu kuda ai-oan ne’e para konserva di’ak rai ten , liu-liu sendimetares labele monu liu ba tasi. Nune’e ai sira ne’e to’o bo’ot  bele fó paisajen furak ba ita  no fó   oksijéniu”, nia informa.

Koodenadór ne’e dehan, Star Frist kuda ai-oan  haree husi tarjetu, udan tanba agora ne’e tempu udan ho oportunidade aproveita kuda kedas ai-oan.

“Ami kuda ai-oan ne’e iha tipu tolu hanesan ai-kasi, ai-hali no ai-kafé  totál ai-oan hamutuk 17 atu  hafurak fatin”, nia haktuir

Nia relata, Star Frist iha seksaun pratika mak sei halo kontrolu ba ai-oan sira no agora monta ona bee iha agua laran para bee ne’e turuk beibeik ba ai-oan.

“Ami star first mai ho ninia inisiativa rasik hodi viverus ai-oan sira ne’e iha tinan kotuk liu-ba prepara ona no kuda ona mós iha fatin seluk”, tenik nia

Ikus nia dehan, hakarak tasi ibun furak tenki kuidadu di’ak hodi dada  turista sira ba vizita  fatin turismu. Nel/Ipi

Leave a Reply

Your email address will not be published. Required fields are marked *