Manuel : Programa Sesta Bázika Sei Fó Impaktu Ba CLN

Naunil Media (Díli), Diretór  ezekutivu HAK Manuel Montero Fernandes hateten, programa Sexta Bázika (SB) sei fó-impaktu ba Sentru Longistika Nasionál (CLN-Sigla Portugés) tamba produtu  folin sa’e.

Diretór  ezekutivu HAK Manuel Montero Fernandes ba Naunil Media iha salaun Maria Auxiladora,  Komoro, domingu (6/12).

Tuir  Manuel  programa SB  ne’e governu mak halibur direita no organiza liuhusi dirasaun nasionál  CLN,  la’ós liuhusi  tendernalisazasaun. CLN baibain tetu hare kulit 40 cetavus, maibé programa SB ne’e liuhusi tenderizasaun kustu boot tanba programa SB sei fó-imaktu ba CLN.

“Desvantagen iha programa sexta bázika lolos ne’e  governu mak prepara  halibur direita nasionál   CLN lolos ida ne’e, mak kontinua halo servisu hamutuk ho  agrikultór sira, tamba baibain CLN ba tetu hare kulit ho foli 40 sentavu. Maibé  hosi komkursu tenderizasaun sira entaun  ho folin produtu  boot. Ho ida ne’e,   programa sexta bázika sira ne’e hotu sei fó-impaktu ba CLN”, dehan Manuel.

Manuel hatutan,  dalabarak  ONG sira kritika kona-ba kooperasaun servisu entre liña ministéru sira liu-liu  ministéru ida ne’ebé mak  halibur produtór mak  Ministériu  Agricultura no Peskas (MAP) husik responsabilidade.

“Iha parte seluk,  ami haree  programa sexta básika ne’e di’ak,  tamba governu bele bá haree povu nia produsaun agrikula. Husi programa sira ne’e,  bele kompra produtu husi povu,  bele  motiva fali ema atu fila ba toos, natar,  haki’ak animal no hortikultura”, tenik Manuel.  Ivo