Lere : 7 Dezembru Fanun Lideransa Foun Hatudu Domin no Nasionalismu ba Povu
Naunil Media (Díli), Xefe Estadu Maior Jeneral FALINTIL-FDTL, Majór Jeneral Lere Anan Timur, deklara 7 de dezembru nu’udar loron importnte hodi halo refleksaun ba mártres libertasaun nasional Timor-Leste sira nian mate, nune’e husu líder foinsa’e sira atu hatudu sentidu nasionlismu hodi ukun nasaun no povu ho domin no responsabilidade.
“Loron ohin 7 de Dezembru 2020 halo 45 anos, hanesan loron ne’ebé relembra invasaun Indonesia mai ita nia rai Timor hodi oho ita nia maluk feto-mane iha fatin ida ne’e, tanba ne’e mak ita selebra iha ponte kais ida ne’e” hateten Veternus 24 Anos Lere Anan Timur hafoin partisipa selebrasaun loron 7 Dezembru ba dala-45 mak realiza iha Portu Díli, Segunda (07/12).
Eiz gerilleiru rejistensia komandante rejiaun um ponta leste ne’e hatutan, relasiona ho loron ne’e nudar lidernsa tuan husu ba lidernsa foun sira atu hatudu nasionalismu no domin ba povu no nasaun Timor-Leste.
“Momentu ida ohin, momentu ne’ebé importante ‘krusial’ ba jerasaun foinsa’e sira, liuliu lideransa foin sa’e sira, ho loron ida ohin mak fanu sira nia nasionalismu, patriotismu fanu sira nian neon ho ho laran atu hadomi povu, tanba hateke ba kotuk ema rihun ba rihun mak mate ba rai ne’e”, Lere Anan hatutan.
Nia husu mos ba ema hotu-hotu atu halo refleksaun, tanba prosesu luta Timor defisil no lori ruin ho raan mak sosa. Dms
