FEATUREDGeralIkus LiuNews

PR Lu Olo : 7 de Dezembru Hanesan Loron Refleksaun ba Martír no Erói Sira

Fahe Tutan

Naunil Media (Díli), Reprezentante Prezidente Repúblika (PR) Francisco De Vasconselhos liu husi nia-Diskuru ne’ebé hato’o hosi PR Francisco Guterres ‘Lú Olo’, hateten selebrasaun 7 de Dezembru hanesan loron refleksaun ba martír, herói no heróina sira ne’ebé hetan violasaun no tortusaun husi Militar Indonesia sira.

Tuir Nia, loron 7 de dezembru, ne’e importante tebes atu Foinsa’e, Estudante universitáriu inklui Timoroan sira presiza hatene tanba husi loron ne’e mak Timor oan barak inklui jornalista lubuk ida fakar raan hodi defende Timor Leste nia prosesu luta ba ukun rasik-an.

“Ohin ita halibur, iha fatin moruk ida ne’e, atu hanoin ita-nia mártir sira, ita-nia eróina no erói sira no mós belun boot ida, ne’ebé ita lakon husi loron 7 to’o 10 Dezembru 1975”, deklara Xefe Casa Sivil Prezidensia Repúblika liu husi diskuru Prezidente da Republika nian kona-ba selebrasaun loron 7 de Dezembru ba Dala-45, iha Portu Díli, Segunda (07/12).  

Iha biban ne’e Ema númeru Um iha Timor-Leste ne’e mos agradese ba Sentru Nasional CHEGA ho esforsu tomak hodi bele relaiza atividade refere.

“Centro Nacional CHEGA, IP. tutela husi Gabinete Primeiru-Ministru, liuhusi esforsu durante tinan tolu nia laran, konsege duni hatu’ur iha fatin moruk ida ne’e, memorial ida hodi rejista no valoriza ita nia-mártir, eroína no erói sira-nia naran no nune’e, jerasaun hotu-hotu bele hatene katak ita-nia prosesu ukun rasik-an la’ós fásil”,tenik Nia

Nia hatutan, ho memorial ida ne’e, Estadu Timor-Leste sei dignifika no fó haksolok oituan ba família sira ne’ebé lakon ema husi uma laran, liuliu ba oan-kiak sira, inklui mós ba maluk sira seluk ne’ebé hetan tiru no mate husi invasor ilegal sira.

Líder prisnsipal ne’ebé partisipa iha selebrasaun ne’e ; Xefe Casa Sivil Prezidensia Repúblika Francisco de Vasconslhos, Xefe Estadu Maiór Jeneral FALINTIL-FDTL, Majór Jeneral Lere Anan Timur, Brigadeiro Jeneral Falur ‘Rate Laek’, Ministru ba Asuntu Veternus ‘Meta Malik’, Prezidente Conselho de Imprensa, Virgílio da Silva Guterres, Prezidente Ezekutivu CHEGA Hugo Fernandes, Prezidenti Aportil, Oan husi Nicolau Lobato, José Lobato inklui Estudane hosi sekundáriu to Universitáriu, Mate restu no komunidade balun .Dms

Leave a Reply

Your email address will not be published. Required fields are marked *