Ministru Rui Garante Governu Jere OJE 2021 ho Di’ak
Naunil Media (Díli), Ministru Finansas, Rui Augusto Gomes, hateten ho konfiansa husi deputadu/a sira, Governu garante sei jere orsamentu Jeral Estadu (OJE) fiskal tinan 2021 ho di’ak husi proposta 34 ne’ebe tama propoin montante $ 37.4 Milloes.
“Planu anuais ida ne’e mos diskute iha komisaun polítika orsamental iha ne’eba deside hotu ona prosesu naruk teb-tebes, hahu husi Fulan Maio to’o mai agora. Hau hanoin husi konfiansa ne’ebe na’i Deputadu sira fó mai Governu, fiar katak OJE ida sei ezekuta ho di’ak hanesan temi tiha ona iha loron hirak liuba, ita sei konsentra liu ba kualidade despeza duké kuantidade despeza”, Membru Governu konstitusionál da-ualu hato’o asuntu ne’e liu-husi nia intervensaun iha debate OJE 2021, Parlamentu Nasionál, Kuarta (09/12).
Governante ne’e dehan, prosesu orsamentu refere bazeia ba planu anuais kada ministériu nian.
“Katak foti osan husi parte ida tau fali ba parte seluk bele implika mundansa programa Governu nian”, tenik Nia. Eva
