Sergio Hornai : “CAC Iha Ona Preparasaun Estratéjiku Reforsa Servisu”
Naunil Media (Díli), Komisáriu Komisaun Anti Korupsaun (CAC-Sigla Português), Sergio Hornai, deklara CAC iha ona preparasaun estratéjiku atu reforsa servisu ho di’ak liu tan ba future.
Komisáriu CAC, Sergio Hornai, ba jornalista sira partisipa komemorasaun loron mundial Anti Korupsaun, iha Salaun Lalini Larigutu CNE, Kaikoli, Kuarta (09/12).
“Ohin, loron mundial ba anti korupsaun, loron ne’ebe mundu hotu-hotu konsentra nia hanoin liu-liu atu kombate kriminalidade korupsaun iha mundu tomak inklui Timor-Leste. CAC iha ona preparsaun estratéjiku hodi reforsa di’ak liu-tan servisu ba future”, tenik Komisáriu CAC, Sergio Hornai.
Nia dehan, “Tinan ne’e koñesidu ho planu estratejiku CAC nian mak remata ona iha fulan Outubru. Iha lansamentu afirmasaun dezenvolvimentu instituisional atu bele hametin vizaun no misaun kombate korupsaun”.
Partisipa iha atividade ne’e, Komisáriu CAC Virgilio Hornai, Prezidente Komisaun Nasional Eleisaun (CNE), Alcino Barris, Ministru Prezidensia Konsellu Ministru, Fidelis Leite Magalhães, inklui estudante no joventude hadomi natureja. Dul
