Natal no Tinan Foun, PNTL Alerta Komunidade Mantein Regra Sira Prevensaun COVID-19
Naunil Media (Díli), Polísia Nasionál Timor-Leste (PNTL), liu husi Porta voz, Superintendente Xefe Polísia Analdo De Araújo, hatete alerta ba komunidade iha teritóriu Timor laran atu evita mantein regra sira prevensaun COVID-19, nune’e PNTL husu ba atu labele hakat ba fronteira.
“Ita akonpaña iha televisaun, online, jornal, radio.observa, virus ne’e iha nasaun vijiñu aumenta, kuaze to’o liña fronteira”, Superintendente Xefe Polísia Arnaldo De Araújo, ba jornalista sira liu husi konferensia imprensa iha salaun PNTL Akademiko Komoro, Kinta (10/12).
Nia alerta “komunidade sira labele aproveita ho situasaun ida ne’e, hakat liu fali liña fronteria hodi hola sasan ruma, aproveita lori fali virus mai rai-laran. Favór tenki respeitu nafatin, estadu emerjénsi seidauk remata”.
Nia fo hanoin, mantein regras sira prevensaun ba án rasik, la’os deit ba komunidade sira hela besik liña fronteira, maibe sidadauk hotu atu hadook pandemia global.
“Ami Komandu Jerál sempre alerta, komandante munisípiu sira halo planu opersaun, nune’e ema hotu la’o hakmatek no trankullu durante loron natal (Dia 24 no 25 Dezembru) no tinan foun (Dia 31 Dezembru no Dia 01 Janeiro 2021”, tenik nia.
Superintendente Xefe Polísia Arnaldo De Araújo, dehan hanesan meius no objektivu atu evita problema, hemu tua iha dalan liliu iha liña fronteria. Nel/Flo
