Ema Barak Lakon Servisu no Hetan Deskriminasaun Kauza COVID-19
Naunil Media (Díli), Koordenadora The Blue Action Group (Grupu Asaun Azul), Marilia Oliveira Da Costa, hateten durante situasaun COVID-19 komunidade no Grupu lubuk ida mak hetan deskriminasaun mai hosi sosiedade no família sira, tanba sira barak mak lakon sira nian servisu.
Kordenadora ne’e dehan, hirak ne’ebé hetan diskriminasaun mak hanesan, Inan Feton, labarik feto, Defisiente, komunidade LGBT, Estudante, nomos joventude sira.
“Maioria komunidade sira hamosu deskriminisaun ba malu”, hateten kordenadora ne’e ba jornalista sira hafoin halo atividade Nakloke ho Tema “Feminista Resillensia hasoru COVID-19” mak hala’o iha Edifísiu HAK Farol, Sábadu (12/12).
Nia informa komunidade hirak ne’e la hetan liberdade hodi hala’o sira nian servisu inklui lakon servisu afita sira nian ekonomia família.
“Ohin, atividade ikus husi Grupu Asaun Azul atu fó espasu ba sira hodi espresa sai sira nian sentimentu relasiona ho deskriminasun no estigmasaun, inklui violensia dosmetiku mak durante ne’e sira hasoru nune’e bele buka solusaun diak”, hateten Kordenadora ne’e
Nia husu ba komunidade hotu atu labele halo dekriminiasaun hasoru komunidade liu-liu komunidade LGBT, defisiente no sira seluk.
Grupu Asaun Azul hahu harii iha loron 20 fulan Marsu 2020, iha situasaun COVID-19, no atividade ne’e realiza tanba hetan apoiu husi WOMEN’S FUND ASIA ho montante osan $5000. Dms
