Distribuisaun Produtu ba Programa Sesta Bázika Tuir Prozedimentu
Naunil Media (Díli), Diretór Operasaun Autoridade Inspeksaun Fiskalizasaun Atividade Ekonómia Sanitaria no Alimentar (AIFAESA.IP), Gabriel Da Costa husu ba komunidade labele fiar isu tenke komfirma tanba distribuisaun produtu ba iha programa Sesta Bázika tuir prosedimentu.
Diretór operasaun Autoridade Inspeksaun Fiskalizasaun Atividade Ekonómia Sanitaria no Alimentar (AIFAESA.IP) Gabriel da Costa ba jornalista sira hafoin ekipa konjunta halo inpeksaun produtu sira iha loja Leader, Pantai Kelapa, segunda (14/12).
“Hanesan ohin Komunidade balun kestiona kona-ba presu mina ás $5,00 dolar, maibé realidade ami ba halo konfirmasaun buat ne’e $2,50 tanba ne’e mak hau hateten, ita la bele rona isu”, dehan Gabirel.
Gabirel informa, ohin halo intervensaun hodi haree sasán liu-liu produtu sira ne’e tuir hela prozedimentu ne’ebé iha no tuir orsamentu governu aloka.
“Ita haree mós ba tomante presu dehan $1,0 dolar refollu $1,50 sentavus, maibe iha merkadu tradisionál dehan $0,50 sentavus ida ita haree situasaun kuandu konpañia ba konpra iha merkadu tradisional sira ne’e atumatikamente nia folin sa’e konpañia mos tenki hasa’e folin”, Nia relata.
“Ha’u sente katak konpañia ne’ebé oferese produtu sira ne’e, la’o normál hela liu-liu ba ai-han sira ne’e”, nia akresenta.
Ikus nia dehan, kuandu komunidade lamenta ho kondisaun produtu sira ne’e bele hato’o para ko’alia konpaña hodi troka kedas, maibé realidade AIFAESA halo intervensaun materiál armazen ho materiál distribuitór oferese produtu sira ne’ebé kualidade tama iha pakote no AIFAESA tenki haree tiha lai foin fó ba Komunidade. Ipe/fet
