Komponente Naval FALINTIL-FDTL Oferese Ran Ba Banku De Sange

Naunil Media (Díli), Segunda (14/12) ne’e, FALINTIL-FDTL liu husi Komponente Naval ho Voluntariamente halo’o doasaun ran hodi oferese ba banku de sange Hospital Nasionál Guido Valadares.  

Prezidente Assosiasaun Família Forsas Armadas (AFAMA), Cidalia Mesquita, hateten atu  ajudu banku de sange.

“Kuandu povu sira moras  sira sempre kontaktu ami liu-liu ami sira  ne’ebé forsa nia fen mesmu familia sira husi liur mós kontaktu tanba sira hatene forsa nia fen  sempre kontrubui ran ba sira ho ida ne’e maka komando naval ho inisiativa  hasai ran atu ajuda ba ita nia  banku de sange”. Prezidente AFAMA no atual Deputada, Cidalia Mesquita, ba jornalista sira iha Naval Hera, Segunda (14/12).

Nia informa iha fulan rua ka tolu liu ba AFAMA iha  mós  fó formasun baziku no dadaun ne’e sei kontinua  ba grupu rua.

“Ohin ne’e iha grupu rua, ida ba inisiu baziku hamutuk ema nain 15 no grupu avansadu ema nain 15 liu husi formasaun ida ne’e hodi bele kuiñese laen sira nia divija tanba balun to’o agora seidauk hatene  postu ne’e saida no iha formasaun avasadu ne’e sei hare liu kona-ba  etika”, esplika Nia

Ikus, Nia dehan, Komponente Naval tinan oin  iha fulan Janeiro sira sei kompleta ejistensia naval  ba tinan 19. Jjf