Ministru Joaquim : Fronesedór Programa Sesta Bázika Hahú Hadi’ak Kualidade Produtu
Naunil media (Dili), Ministeru Estadu Koordenadór Asuntu Ekonómia (MECAE-Sigla Portugues), Joaquim Amaral, hateten fronesedór produtu ba programa sesta bázika hahú hadia ona kualidade produtu sira ne’ebé públiku prekupa.
Ministru Joaquim Amaral, ba jornalista sira hafoin ekipa AIFAESA.IP iha loja Leader, Pantai Kelapa, Segunda (14/12).
“Ha’u mai ho vise-MTKI atu haree sira-nia preparativu liu-liu kualidade sasán sira ne’ebé atu fahe ba komunidade sira. Ohin ami hahú husi Dili Mart, W-Four, Timor plaza no Leader. Ha’u haree komesa la’o di’ak kuriji sasán sira ne’ebé loron hirak liu ba públiku preokupa ne’e”, dehan Ministru Joaquim.
Ministru Joaquim espera kontinua hadi’ak no mantén nível dezenpena preforme atu hetan satisfasaun husi benefisiaria sira.
“Ohin Ha’u haree iha lista, iha mudansa hanesan folin bain-bain, la iha aumenta. Karik iha diferente ruma fó hatene ba AIFAESA. Ha’u mai ho AIFAESA ho nia ekipa tomak para atu garante sira-nia papel sasán nia kualidade no nia folin ne’e papel eskluziva AIFAESA nian”, Joaquim informa.
Governante ne’e deklara, karik fornsedór balun kontinua kontra AIFAESA.IP prontu hala’o nia funsaun hodi indentifika no hatene sansaun saida mak sira atu halo, nune’e asegura katak prosesu kontinua la’o ho nia kualidade hanesan iha lista Sesta Bázika.
“Relatório ne’ebé iha ami hato’o ona ba superiór sira hein katak informasaun ne’ebé di’ak tebe-tebes, atu kontinua servisu la’ós de’it parte fornesedór sira, maibé orgaun fiskalizadór sira mós hala’o funsaun ho proporsional”, Tenik Ministru ne’e.
Ikus Nia, dehan programa sesta bázika, atu asegura programa ho lei ema hotu-hotu fahe ai-han la’ós fahe osan tanba ne’e esforsu hotu hodi garante ai-han ne’ebé fahe priense duni kualidade tuir lista direitu benefisiariu sira. Vit