PNTL Kaptura ‘Na’ok-Ten’ Na’ok Motórizada

Naunil Media (Díli), Komandante Polísia Nasionál Timor-Leste-PNTL Munisípiu Díli, Superintendente Xefe Polísia Henrique da Costa, informa liu-husi  operasaun PNTL munisípiu Díli kaputara suspeitu nain tolu (3), tanba deskonfia ‘na’ok’  motórizada.

Superintendente Xefe Polísia Henrique da Costa, ba jornalista sira liuhusi komunikadu imprensa, iha Kuartel Jerál PNTL, Kaikoli, Segunda (14/12).

Superintendente Xefe Polísia Henrique, haktuir iha semana kotuk PNTL  Munisípiu Díli hala’o operasaun  konsegue kaptura suspeitu nain tolu ne’ebé na’ok motórizada no rekolla ona motórizada hamutuk sanulu.

“Prosesu sidadaun nain tolu ne’e kontinuasaun hodi toma ba desizaun iha loron  12 fulan Dezembru iha semana kotuk no lori kedas suspeitu nain bá iha prizaun Bekora hodi kumpri no halo kedas prizaun preventiva”, dehan Komandante Henrique.

“Prosesu kontinuasaun sei la’o hela, tamba  motórizada  balun mak sira (suspeitu nain tolu)  fa’an sai ne’ebé mak ita atu promove mandadu detensaun ba sira  nune’e ita   ezekuta tan no hodi buka tuir”, hateten Henrique.

Henrique afirma, dadauk motórizada hamutuk sanulu, maibé evidénsia balun   hato’o husi komandante munisípiu Baucau no Manufahi inklui mós Díli.    

“Ami PNTL Munisípiu Díli mantein atu halo operasaun hodi identefika tan evidensia sira seluk”, nia hato’o. 

Nia husu ba sidaudaun sira ne’ebé sente motor lakon mai hato’o  keixa iha Komandu PNTL.

“Sei iha prosesu investisaun, tanba  ne’e ami PNTL seidauk iha konpeténsia atu interega diretamente ba nain motórizada  sira”, Tenik Henrique. Nel