2021 SAMES Sei Estabelese sistema Supply Reforsa Servisu Farmasia
Naunil Media (Díli), Diretór Ejekutivu Servisu Autónomu Medikamentu no Ekipamentu (SAMES), Santana Martins, hateten tinan 2021 to’o 2022 SAMES sei esforsu hodi estabelese sistema Supply ba to’o nível Postu Saúde iha Munisípiu atu reforsa servisu farmasia.
“Jestaun informasaun farmajetíka durante ne’e sai hanesan fasilidade importante ne’ebé apoiu servisu farmasia nian, tamba durante ne’e SAMES de’it mak uja sistema ne’e”, dehan Direktur SAMES ne’e ba jornalista sira hafoin lansa projetu sistema Supply, iha salaun enkontru Palásiu das Sinzas, Kaikoli, Tersa (15/12).
Nia dehan, progrma lansamentu mSupply ne’e hanesan programa reinstalasaun hodi lori spanda ba to’o nível Munisípiu no sentru saúde sira.
“Ho sistema ne’ebé ita iha sei fasilita kontrolu jestaun stok nian, tamba dalaruma ai-moruk iha armajen ho kuantidade ne’ebé bo’ot ita difisil halo kontrolu, entaun lansamentu ida ne’e bolu mos farmasista sira husi sentru saúde no Munisípiu iha tempu badak ita instala no utilija”,tenik nia
Nia reforsa sistema Supply ne’e fo dalan ba sidadaun la presija lori dokumentu sira mai Dili, maibe asesu deit iha sistema ne’e prosesu verifika no aprova automatikamente nune’e data ne’e haruka ba diresaun nasional farmasia no SAMES prosesa kedas pedidu sira. Dul/Emj10
