FEATUREDIkus LiuNewsPolitika

Governu Sei Harii Uma Ba Komunidade Kbiit Laek

Fahe Tutan

Naunil Media (Díli), Governu konstitusionál da-ualu liu husi Ministériu Obras Publikas (MOP) planeia atu harii uma komunidade kbiit laek sira tuir klase ne’ebe la hanesan.

Ministru Obras Publikas, Salvador Pires, informa Governu sei harii uma tuir klasse diferente ba komunidade kbiit laek sira.

“Komunidade kbiit laek, rendimentu ki’ik, mediu nomós altu. Posibilidade aumesmu tempu komesa loke ona merkadu habitasaun ba seitor privadu sira, nune’e ita nia povu sira bele hetan asesu ba ‘House in Market’”, Membru Governu konstitusionál da-ualu ne’e ba jornalista sira iha Otel Novo Turismu, Tersa (15/12).

Governante ne’e dehan, uma ne’ebe harii ba komunidade sira, la’os gratuita maibe tenke selu, liu-liu ba komunidade sira ne’ebe ho rendimentu mediu no alta.

“Husi kustu ne’ebe sira selu ne’e mak sei fó fila fali hanesan subsídiu ba komunidade kbiit laek sira”,  

Harii uma ba komunidade sira, tarjetu ba muda komunidade sira hodi re-dezenvolve fi ho regra ne’ebe rigorozu husi Governu. Apm

Leave a Reply

Your email address will not be published. Required fields are marked *