2021, MAE Sei Reabilita Sede Suku 250
Naunil Media (Baucau), Ministru Adimistrasaun Estatál, Miguel Pereira de Carvalho, informa tinan 2021, Ministériu Adimistrasaun Estatál (MAE) sei reabilita sede suku hamutuk 250 iha Timor-Leste.
Ministru Miguel Pereira de Carvalho, ba jornalista sira, iha Baucau Villa, Kinta (17/12).
Membru Governu konstitusionál da-ualu, Miguel, hatete reabilitasaun sede suku hanesan parte ida atu apoiu servisu suku nian iha baze hodi to’o iha nasionál.
“Iha tinan oin (2021) ita sei halo reabilitasaun ba sede suku iha Timór Laran tomak hamutuk 250. Purtantu ida ne’e, hanesan esporsu ida ne’ebé mak governu halo para bele rekuñese suku. Hanesan asosiasaun komunitária para apoiu servisu adimistrasaun nian” dehan MAE Miguel.
Governante ne’e hatan, perkupasaun povu Baucau nian kondisaun sede suku ne’ebé balun a’at ona. Nune’e nia dehan, iha 2020 sede suku hamutuk 23 mak sei hetan reabilita iha munisípiu Baukau.
“Ha’u dehan tinan ne’e (2020) ita sei reabilita sede suku 23 ba tinan oin ita reabilita tan 11 tanba ne’e iha munisípu Baukau ita sei reabilita sede suku hamutuk 34”, Miguel informa.
Ministru ne’e hatutan, prekupasaun seluk ne’ebé mak autoridade lokál sira Baukau husu governu atu aumenta orsamentu ba Planu Nasionál Dezenvolvimentu Suku (PNDS) tanba to’o agora governu Timor-Leste halo ona despeza tokon $5 ba Munisipu Baucau.
“Ita mós halo projetu PNDS iha Munisípu Baukau ne’e purbolta 176 projetu tanba ne’e iha tinan oin PNDS sei implementa iha suku 26 ho totál orsamentu $1.3. Tanba suku sira ne’ebé iha postu Venilale, Bagia, no Vemasse, PNDS sei tama iha imi nian suku. maibé osan iha rihun $ 50 de’it ba kada suku, entaun ita husu para aumenta oituan ba rihun $ 150” tenik nia.
Ikus nia dehan, projeitu husi PNDS tama iha suku sira ne’e parte ida atu tetu ba sustentabilidade fiskál rai nian inklui kapasidade suku nian hodi jere osan. Pau
