Tinan 2021, SEPS Sei Rekruta Guarda Bombeiru ba Ermera, Liquiçá no Manatuto

Naunil Media (Díli), Governu konstitusionál da-ualu, liu husi Sekrtáriu Estadu Protesaun Sivíl (SEPS), Joaquim José Gusmão dos Reis Martins, informa tinan 202, sei rekruta tan guarda bombeiru foun ba munisípiu tolu, hanesan Ermera, Liquiçá no Manatuto.

“Guarda Bombeiru ba munisípiu Liquiçá, Ermera no Manatuto, ne’e seidauk. Ita tau ona orsamentu ba 2021 nian hodi halo rekrutamentu ba iha munisípiu tolu ne’e”, Membru Governu konstitusionál da-ualu, Joaquim José Gusmão dos Reis  Martins, ba jornalista sira iha Palasiu Governu, Kinta (17/12).

Juaquim esplika, orsamentu ba rekruta guarda bombeiru hamutuk $96 mil ba munisípiu tolu.

Enkuantu, Governante ne’e haktuir mos objetivu sorumutuk entre nia ho primeiru Ministru, Taur Matan Ruak, kona-bá preparasaun SEPS hodi hasoru inudasaun iha tempu udan.

“Preparasaun SEPS nian ho Ministeiru Interior, hodi hasoru situasaun klimatika LA-NINA, tanba Timor-Leste sei hasoru udan bo’ot, karik akontese ita bele responde lalais ba situasaun sira ne’e” Tenik Eis Ministru Agrikultura no Peskas ne’e.

İkus liu Nia dehan, foin lalais akontese inudasaun iha munisípiu Covalima, husi SEPS hola papel atende kedas, emerjénsia ba hahan, laos deit hahan maibé mos ba material konstrusaun ba fatin balu uma anin sobu. Lop