FEATUREDIkus LiuNewsPolitika

VIZITA KORTEZIA MAPKOMS BA RÁDIU KOMUNIDADE LIAN MATEBIAN BAUCAU

Fahe Tutan

Naunil Media (Baucau), Ministru ba Asuntus Parlamentares no Komunikasaun Sosiál, S. E. Francisco Martins da Costa Pereira Jerónimo ho ninia komitiva hala’o vizita kortezia ba Rádiu Komunidade Lian Matebian Baucau iha kinta -feira, loron 17 fulan-Dezembru tinan 2020.

Vizita ne’e ho objetivu atu haree diretamente no situasaun reál kona-ba funsionamentu serbisu iha Rádiu Komunidade ne’e.

Jestór Rádiu Rádiu Komunidade Lian Matebian Baucau sente kontente ho vizita MAPKOMS nian tanba bele mai haree diretamente kondisaun no situasaun reál rádiu komunidade ne’e.

Jestór Rádiu Rádiu Komunidade Lian Matebian Baucau afirma problema no dezafiu sira ne’ebé mak sira hasoru maka, problema rai, tamba seidauk iha karta legalidade ruma husi Teras Propriedade ba iha rai ne’e hodi atu utiliza, nune’e mós problema kona-ba eletrisidade.

Iha fatin hanesan Jestór Rádiu Komunidade ne’e hato’o mós rekomendasaun sobre formasaun ba jornalista sira iha rádiu komunidade ne’e liuliu iha area tékniku Rádiu no formasaun jornalista ho lian portugés tamba durante ne’e sira seidauk hetan formasaun ruma.

Hatán ba preokupasaun hirak ne’e MAPKOMS hateten nia parte toma nota ba preokupasaun sira ne’e no sei fó solusaun ba problema no difikuldade sira ne’ebé rádiu komunidade ne’e hasoru inklui rekomendasaun ne’ebé sira hato’o liuhosi orsamentu jerál estadu 2021 hodi bele sustenta funsionamentu serbisu iha estasaun rádiu komunidade ne’e.

Relasiona ho Formasaun nia parte kolia ona ho Diretór SEFTEC 2021 ne’e atu fó formasaun jornalista ne’e ba iha nivel munisipiu hotu inklui media officer sira iha munisipiu ninian, nune’e mós kontinua ho formasaun lingua portugés ba jornalista sira para hato’o notísia no hakerek notísia tamba iha ona kooperasaun Governu timor leste liu husi MAPKOMS ho Governu Portugal liu husi institutu Camões asina akordu ba 2021 kontinuasaun kona-ba formasaun ba jornalista sira ho lian portugés ho ida ne’e sei involve mós jornalista rádiu komunidade sira hotu. */Tri

Leave a Reply

Your email address will not be published. Required fields are marked *