Komunidade Etevata Iha Postu Iliomar Halerik Ba Bee Moos no Eletrisidade
Naunil Media (Lautém), Xefe Aldeia Etevta Carlos da Costa, preokupa tanba aldeia ne’ebe nia-lidera, dezede Independensia to’o agora, komunidade seidauk asesu enerjia eletrisidade.
Aldeia Etevata pretense ba Suku Tirilolo, Postu Administrativu Iliomar, Munisípiu Lautém.
Xefe Aldeia Etevta Carlos da Costa, hato’o preokupasaun ba Jornalista Naunil Media, via telephone, Sesta (18/12).
“Desde Timor-Leste restaura Independensia to’o agora ami husi aldeia Etevata seidauk asesu ba Bee Moos no eletrisidade”, informa xefe aldeia ne’e.
Kondisaun refere obriga komunidade tenki la’o ain kuaze kilometru rua mak bele hetan bee moos hodi konsumu.
“Kondisaun mak ne’e, ami atu hetan bee moos teni la’o ain ba dook, hodi kuru bee ba konsumu loron-loron”, tenik Carlos.
“Iha tempu kalan ami uza de’it lamparinas (lenti) maibé uza lamparinas ne’e só iha tempu bailoron de’it, iha tempu udan ami iha nakukun laran de’it”, informa nia
Uza lenti ne’e mos la’os ema hotu-hotu, ba familia sira mak la iha kapasidade finanseira, pasiensia tenki iha nakukun.
“Sira ne’ebé mak iha osan mak uza lenti, maibé sira ne’ebé la iha osan tempu kalan komunidade sira tuku kami ho ailele hodi komu ba kesak mak foin sunu iha tempu kalan”.
Kona-ba preokupasaun ne’e, Nia parte hato’o ona ba Governu maibé seidauk hetan resposta. Aldeia etevata totál uma kain 173 no nia populasaun hamutuk 1.037, kompostu Mane 502 no feto 535. Dvo
