MAPKOMS HO SEKOMS ENTREGA SERTIFIKADU BA FORMANDU 158 HUSI NÍVEL NASIONÁL NO MUNISÍPIU

Naunil Media (Díli), Iha Loron 18 fulan Dezembru 2020, Ministru ba Asuntus Parlamentares no Komunikasaun Sosiál (MAPKOMS), Francisco Martins da Costa Pereira Jerónimo ho Sekretáriu Estadu ba Komunikasaun Sosiál (SEKOMS), Merício Juvinal dos Reis ‘AKARA’ atribui sertifikadu ba formandu sira ne’ebé hetan formasaun husi ba Sentru Formasaun Téknika Iha Komunikasaun (CEFTEC) , iha salaun apuramentu Nasionál CNE Dili.

Formandu sira ne’e mai husi unidade formasaun komunikasaun relasaun publika no protokolu ho nivel 1 no 2, Formandu sira husi unidade multimedia, Formadu sira husi unidade formasaun televizaun, Formandu husi unidade formasaun rádiu, Formandu sira husi unidade hakerek imprensa, formasaun ba funsionáriu relasaun publika hamutuk 31 husi munisipiu Ermera no liquisa iha area multimedia no media sosiál.

Ministru ba Asuntus Parlamentares no Komunikasaun Sosiál S. E. Francisco Martins da Costa Pereira Jerónimo iha nia diskursu kongratula ba formandu no formadu sira.

“ Primeiru fó parabens ba formandu sira tamba konklui formasaun jornalizmu ho nivel 2 no parabens ba formadores sira tamba ita boot sira nia dedikasaun ita boot sira responsabilidade ita boot sira hala’o fó ona funsaun ba iha formandu atus ida resin ne’ebé maka ita atu atribui sertifikadu ne’ebé maka estandar ha’u hanoin ida ne’e la fasil.”

Nia hatutan “Ohin ita boot sira bele konklui ona ita boot sira nia kursu ho di’ak no ho kontente tamba sertifikadu ne’ebé rekoñese ita boot sira hanesan ema ne’ebé Laos ona hanesan antes tama mai ho nivel seidauk iha maibé agora ho nivel 2, sertifikadu ne’ebé ita boot sira iha sertifikadu ne’e mós serve atu bele aplika ita boot sira nia karreira profisionál bainhira ita boot sira tuir teste ruma”.

MAPKOMS afirma tan , “ Formasaun ne’ebé ita boot sira hetan ne’e la fasil ita boot sira tamba ne’e kontinua aprende tan tamba ema dehan hanesan ne’e, saber nao okupa lugar aproveita para toda vida hanoin ho lia fuan sira ne’e motiva ita bair ha’u hanesan ministru mós ha’u tenke aprende lor loron ita boot sira mós iha obrigasaun atu lee nafatin aprende nafatin entaun atu sai professional la fasil atu matenek mós la fasil tenke halo serbisu makaas “

Iha fatin hanesan Sekretáriu estadu ba komunikasaun Sosiál, Merício Juvinal dos REIS “ AKARA” sente kontente tamba CEFTEC hahú husi 2016 to’o 2020 prodús ona formandu hamutuk 642, iha 2020 formandu hamutuk 188 maka tuir formasaun husi unidade formasaun 6, ne’e duni iha 2020 de’it ita konsege prodús formandu 184 ne’e konklui ona 4 ita nia rekursu umanu iha rai laran.”

SEKOMS haktuir tan “ Pontus importante tuir mai maka depois halo analiza no halo avaliasaun ba formadu iha 2020, katak formandu sira barak ho idade produtivu hahú ho tinan 26 to’o 36 sira ne’e mak sai formandu ida ne’e halo ami kontente tamba ita prodús rekursu umanus no produtivu ne’e ita orgullu tamba Cefetek bele halo ida ne’e”.

Sertifikadu sira ne’e entrega diretamente husi ministru MAPKOMS Francisco Martins da Costa Pereira Jerónimo, Sekretáriu estadu ba komunikasaun sosiál Merício Juvenal dos Reis ‘AKARA’, Presidente Komisaun funsaun públiku Faustino Cardoso Gomes, Diretora Nasional INDMO Isabel Fernandes de Lima, Diretór Ezekutivu TIC Timor Roberto Caitano de Sousa Vicente, Diretór Ezekutivu Interinu CCI-TL Rui Alexandrinho Pacheco no Prezidente Autoridade Munisípiu Ermera ho konvidadu sira seluk. */Tri