MCAE : Tracking Investment System Fasilita Investor Kuiñese Potensia Rai-Laran
Naunil Media (Dili), Sesta (18/12) ne’e, Ministru Coordenadór Dos Asuntos Economicos (MCAE) liu husi nia agencia Trade invest halo promosaun no akompanamentu ba seitór privadu no investor hodi hari sistema digitalizasaun tracking investment system.
Ministru Coordenador Dos Asuntos Economicos, Joaquim Amaral, hateten liu husi nia agencia trade invest halo promosaun ho akompañamentu ba kompaña sira hodi tenta nafatin ba tempu mellora, liu husi hadia sistema atendimentu hirak hodi halo introdusaun iha digitalizasaun ba ekonomia.
“Ita tenke tama ona ba ecommerce ne’ebé plataforma hari tracking investment system no asycuda nian, sira ne’e hotu atu ajuda setor privadu no investor sira atu bele fasilita hodi hare informasaun hodi bele buka potensia ne’ebé sira hakarak ho tempu ba tempu ita komesa halo besik liu tan ba investor no autor ekonomia sira”, dehan MCAE Joaquim Amaral, ba jornalista sira iha Trade Invest.
Governante ne’e informa tan ida ne’e resultadu husi reforma ne’ebé oitavu governu introduz hanesan iha fulan kotuk liu ba iha lansamentu ba sistema asycuda, maping ba produtu sira, dadaun ne’e tama tan ona iha tracking informasaun ba sistema.
“Ha’u hanoin informasaun sira ne’e importante tebes ba iha investor sira atu fasil hodi hetan informasaun kona-ba fatin potensias ne’ebé sira hakarak halo investimentu saida mak trade invest halo, ne’e rezultadu husi prosesu ida iha faze rekoperasaun ekonomia”, tenik nia
Nia dehan Governu tenta hadia ambiente negosiu atu atrai liu tan investidor sira hahu halo sira nia aktividade hodi hare fila fali potensia saida maka Timor-Leste iha nune’e hahu halo ona sira aktividade negosiu. Vit
