PNTL Munisípiu Lautém Sei Kaptura Komunidade Sunu Fogetes

Naunil Media (Lautém), Komandu Polísia Nasionál Timor-Leste (PNTL) Munisipiu Lautém husu ba komunidade, liu-liu joven no labarik sira labele halo barullu no sunu fugetes iha tempu Natal no Tinan Foun, bainhira laiha autorizasaun husi autoridade seguransa.  

“Husu ba jovens sira atu kumpri regras ne’ebe Komandu Munisipiu fó sai ona ba publiku, labele halo barullu no sunu Fugetes, bainhira jovens sira sunu no halo barulho ne’e signifika viola regras no PNTL sei kaer hodi prosesa tuir lei ne’ebé iha”, Komandante PNTL Munisípiu Lautem, Supertedente Polísia Antonio Rego Fernandes, ba Naunil Mdeia iha nia kna’ar Fatin, Kuarta Feira (16/12).

Komadante ne’e informa, iha semana kotuk membru Polisia sira prende ona fogetes balun mak fa’an iha loja sira iha Lospalos villa.

“Liu husi anunsiu públiku komando Lautém sei halo patrolamentu ba kios no loja sira no komunidade sira atu labele tiru ga sunu fugetes, bainhira seidauk iha orientasau husi autoridade seguransa. Agora komando seidauk fó autorizasaun”, tenik komandante ne’e.  

Nia akresenta, Komando Munisipiu Lautem nia-observasaun notak katak durante ne’e labarik ho idade menoridade sira mak maioria sunu fogetes no halo barullu.

Ikus liu, Nia husu ba Komunidade liliu ba jovens sira atu hametin unidade kria paz no estabilidade, hodi ita selebra loron Natal no simu Tinan foun ho hakmatek. Latu