Prezidente CI Virgílio : Jornalista Tenke Sai Anju no Fitun ba Sosiedade
Naunil Media (Díli), Prezidente Konsellu Imprensa (CI-Sigla Português) Timor-Leste, Vigilio Guterres, hateten Jornálista tenke sai Anju no fitun ba sosiedade, liu husi kna’ar fó mensajen (notisias) hanesananjus Gabriel hato’o ba Maria mak sei sai inan ba Jesus.
Vigilio Guterres hato’o lia hirak ne’e liu husi nia diskursu enseramentu hafoin atribuisaun karteira professional ba jornalista nain-16 no sertifikadu ba rejistradu sira iha Salaun Delta Nova, Sesta (18/12).
“Ita kontinua sai Anju atu hato’o, dehan Jejus moris ona. Hanesan mós nai-ulun sira atu gosta la gosta sei moris kiak nafatin”, dehan Nia.
Virjilo akresenta, “Amu lulik sira atu gosta ga la gosta, maibé abuzu seksual ne’ebé sira halo, media fó hatene, jornalista fó hatene nafatin, ne’e mak mensagen importante ho faktus, tanba faktus mak sagradu ba jornálista sira tantu ami sira halo aan ba matenek ho sira nia imaginasaun de’it maibé sira bazeia ba faktus duni sira fó hatene katak sira bosok o atu sai”.
“Ita jornálista sira, orgaun komunikasaun sosial sira tenke sai fitun ba ita nia sosiedade pelumenus loron la naroman kona sira, kalan la naroman kona sira tanba kalohan taka metin tanba polítiku tun sa’e pelumenus ita sai netik fitun naroman ba sira, katak pelumenus iha lalehan ne’ebá iha buat kapás ruma iha ne’ebá”, katak Virgílio
Nia afirma media sira tenke sai nafatin fitun ba ita nia komunidade atu fó nafatin esperansa, katak moris ne’e bele susar maibé labele lakon esperansa. Dvo
