Komunidade Postu Iliomar Apoiu EDTL Lautém Normaliza Enérjia Eletrisidade
Naunil Media (Lautém), Tersa (22/12) ne’e, komnidade husi Postu Administrativu Iliomar, voluntariamente apoiu ekipa tekniku EDTL Munisípiu Lautém atu normaliza hikas enérjia eletrisidade ba postu administrativu refere (Iliomar), hafoin ai-rin eletrisidade balun tohar, kauza husi udan ho anin foin lalais.
“Ai-rin eletrisidade no hetan avariasaun iha loron 20 fulan-Dezembru 2020 tanba ai tohar hanesan fiu MT 20KV iha suku Caenlio”.
Tekniku EDTL Lautém promote sei normaliza enérjia eletriaidade ba postu refere tanba hetan apoiu husi karreta truk husi komunidade Iliomar hodi tula ai-riin eletrisidade unidade 2 ba Caenlio iha loron 22 fulan-Dezembru tinan 2020 hodi troka riin eletrisidade ne’ebé tohar.
Nune’e EDTL munisípiu Lautém agradese ba laran luak husi komunidade Iliomar ne’ebé fasilita ona atividade normalizasaun, espera katak kooperasaun ne’e bele la’o ho di’ak iha future.
“Hamutuk tau-matan ba eletrisidade sei Lakan, EDTL ITA NIAN”.
EDTL agradese mos ba pasiensia no kompriensaun kliente sira EDTL nian, ami hato’o, Obrigado wain. Media EDTL.
