PNTL Manufahi Garante Komunidade Selebra Natal no Tinan Foun Ho Seguru
Naunil Media (Manufahi), Komandante Polísia Nasionál Timor-Leste (PNTL) Manufahi, Superintendente Joni Viana das Regras, garante estabilidade iha tempu Natal (24-25 Dezembru 2020), tanba hetan apoiu husi FALINTIL-FDTL no guarda bombeiru.
Nune’e PNTL, F-FDTL no Guarda Bombeiru, sira hala’o ona parade jerál Postu Administrativu Same haforsa no garantia estabilidade ba ema hotu selebra festa Natal tinan ne’e.
“Objetivu hosi parada jeral ida ne’e oinsa atu passa informasaun ba membru sira, atu bele garante festa natal ho tinan foun la’o ho ambiente hakmatek” Superintendente Joni Viana das Regras, hafoin parade jerál, iha Komando Munisipiu Manufahi.
Tuir Komandante PNTL Munisípiu Manufahi ne’e “Ita mos presiza suporta ka hatudu forsa ruma ba komunidade nunee sira mos bele sente katak ita mak sai nain duni ba seguransa. Aktividade parada ida ne’e mos sei hala’o movimentu ba suku Holarua, Letefoho no suku Daisua”. Nfm
